Бұл – уақыт пен қашықтыққа төтеп берген екі жастың махаббат хикаясы. Қиындықтар мен қуаныштарды бірге өткізіп, бір-біріне деген адалдықтарын сақтаған ғашықтардың тарихы сізді бей-жай қалдырмайды. "Екі жүрек – бір махаббат" - шынайы сезімнің және отбасылық құндылықтардың жарқын көрінісі.
2011 жылдың күзінде Арман ауыл мектебіне келді. Мектеп табалдырығын аттаған бойда, оның көзі бірінші партада отырған сұлу Айсұлуға түсті. Олардың арасындағы кішкентай қашықтық болашақ махаббаттың бастауы болатынын ешкім білмеді.
2011 жылдың 5 сәуірінде Арман мен Айсұлу достықтан махаббатқа қадам басты. Күндер өтіп, олар бірге қызықты сәттерді бастан кешірді. Екі жастың жүректері бір-біріне ұмтылып, махаббаттары күн сайын арта түсті.
2013 жылы мектепті бітірген соң, Арман Петропавлға, Айсұлу Көкшетауға оқуға кетті. Арадағы қашықтық олардың сезімін суытпады, керісінше, сағыныш отын жалындата түсті. Сағынышпен өткен кездесулер екеуіне баға жетпес сезім сыйлады.
2014 жылы Айсұлу оқуын Петропавлға ауыстырып, ғашықтар қайта қауышты. Жаңа белеске көтерілген махаббаттарын тағы бір сынақ күтіп тұрды. Арман әскери борышын өтеуге кетіп, бір жыл бойы сыналатын болды.
2017 жылы Арман мен Айсұлу отбасын құрды. Наурыз айында Айсұлуға сырға тағылып, той жасалды. Көп ұзамай заңды неке қиылып, жаңа өмірге қадам басты. 1 шілде күні Айсұлудың ұзатылу тойы болып, Нұрпейістер әулетіне келін болып түсті.
2022 жылы Арман отбасы үшін жаңа мүмкіндіктер іздеп, Астанаға көшіп келді. Балаларына жақсы болашақ сыйлау үшін бар күш-жігерін салды. Екі жастың махаббаты уақыт сынына төтеп беріп, бақытты отбасының іргетасы берік болды.
"Екі жүрек – бір махаббат" 2011 жыл. Күзде, жас өмірінің жаңа парағы ашылған сәтте, Ысқақ Ыбыраев ауылының орта мектебіне жаңа оқушы келеді. Ол – Алқаағаштан келген, тоғызыншы сыныпты бітіріп, осы жерден он жылдығын бастағалы тұрған Арман еді. Сол күні оның тағдыры бірінші партада отырған, көзінен мейірім, сұлулық байқалып тұратын Айсұлумен тоғысты. Айсұлу алдыңғы қатарда, ал Арман оның артындағы партада отырды. Екеуінің арасындағы кішкентай ғана қашықтық, болашақта екі жүректі біріктіретін ұлы махаббаттың бастауы болатынын ешқайсысы білмеген еді. Көп ұзамай, 2011 жылдың 5 сәуірінде олардың достығы сезімге ұласып, олар жаңа жолды бірге бастады. 2013 жыл. Мектептің қоңырауын соңғы рет естіген соң, тағдыр оларды екі бөлек қалаға жіберді. Білімдерін жалғастыру үшін Айсұлу Көкшетауға, Арман Петропавлға кетеді. Арадағы қашықтық екі ғашықтың сезімін суытпай, қайта от жалындай лаулата түсті. Әрбір демалыс, әрбір бос уақыт – олар үшін қасиетті сәтке айналды. Арман Айсұлуды көруге асығып айына бір болмаса тіпті екі рет Көкшетауға келіп кетсе, Айсұлу демалысында үйге қайтарда бір-екі күн ерте шығып, ғашығының қасынан табылатын. 2014 жыл. Махаббат күші арқылы Айсұлу оқу орнын Петропавлға ауыстырып, екі ғашық қайта бір қалада бас қосады. Олардың махаббаты енді жаңа белеске көтерілді. Бірақ оларды тағы бір сынақ күтіп тұрған еді. 2015 жылдың қарашасында Арман Отан алдындағы борышын өтеуге аттанады. Бір жыл уақыт олардың махаббатының мықтылығы мен адалдығын тексерді. 2016 жылдың қараша айында Арман аман-есен оралып, оны Айсұлу сағынышпен қарсы алады. 2017 жыл. Наурыз айында Айсұлуға сырға салынып «Сырғалым» атанады, 15 мамырда олар заңды түрде некелерін қияды. 1 шілдеде Айсұлу туған үйінен ұзатылып, Нұрпейістер әулетіне келін болып түседі. 7 шілде күні дүбірлі той болып, екі жақ құдандалы болып, жаңа отбасы құрылады. 2017–2022 жылдар. 2017 жылы 2 қазанда Махаббаттарының жемісі –тұңғыш ұлдары Мансұр дүниеге келеді. Бір бөлмелі пәтердегі бақытты күндерін артта қалдырып, Мансұр төрт айға толғанда, олар үш бөлмелі пәтерге көшіп, 2022 жылға дейін сонда тұрады. Осы аралықта, 2020 жылы 15 шілдеде екінші ұлдары Ерасыл өмірге келеді. Ал 2022 жылдың 15 наурызында үшінші ұлдары Ернұр дүние есігін ашады. 2022 жыл. Отбасының отағасы Арман балалары үшін жаңа мүмкіндіктер іздеп, өз ісін бастауды шешеді. Олар бас қала – Астанаға көшіп келеді. Пәтерлері болмағандықтан, 1 бөлмелі пәтерді жалға алып, 2025 жылға дейін сол жерде тұрады. Балалары балабақша мен мектепке орналасады, үлкен ұлдары Мансұр мектеп табалдырығын аттайды. 2025 жылдың қаңтарында олар өздері армандаған екі бөлмелі пәтерді сатып алып, қоныс тойын жасайды. Бұл – уақыт пен арақашықтыққа бағынбаған, шынайы махаббат туралы хикая. Әрбір қиындық олардың сезімін нығайтып, әрбір қуаныш олардың өміріне жаңа бояу қосты. Бұл – "Екі жүрек – бір махаббат" атты кітаптың алғашқы тарауы ғана. Оқиға әлі жалғасуда...
